Yayım Tarixi: 18.08.2012 16:38
İmam Xomeyninin bir sözü var ki, "ABŞ Yaxın şərqə İsrail gözləri ilə baxr, İran isə Fələstin gözləri ilə baxir."
Livan Hizbullah təşkilatının baş katibi Seyid Həsən Nəsrullah
Beynəlxalq Qüds Günü münasibətilə geniş xalq kütləsi qarşısında çıxış
edib.
O, çıxışında Qüds gününün mahiyyəti, İslami müqavimətin
fəlsəfəsi ilə yanaşı bir çox digər ölkədaxili, regional və qlobal
məsələlərə də toxunub.
Hizbullah lideri, qlobal imperializmin Yaxın şərqdə sonuncu böyük oyunu, Suriya, Fələstin, Türkiyə məsələləri barədə danışıb.
Seyid Həsən Nəsrullah deyib:
"Mübarək
Ramazanın son cüməsində qeyd olunan Qüds gününüzü təbrik edirəm. Bu
vəsilə ilə Fələstini və Fələstinli qardaşlarımıza olan
məsuliyyətlərimizi də xatırlamış olaq. Hizbullah, Fələstin mübarizəsində
tutduğu mövqeni sonuna qədər mühafizə edəcək. İsrail hələ bu qədər
güclü olduğu halda fələstinli qardaşlarımızın azadlığından bəhs edə
bilmərik. Deməli hələ mübarizənin istənilən nöqtəsinə çatlmayıb və bu
daha çox səy, daha çox təlaş tələb edir. Fələstinlilər
də özləri aralarındakı siyasi anlaşılmazlıqları bir an əvvəl həll
etməlidir. İsrail fələstinlilərin evlərinə və ibadət yerlərinə hörmət
göstərməyib, işğal hərəkatına başlamış və insanlara davamlı zərər vermiş
böyük bir təhlükədir. İsraildə Hizbullahı və müttəfiqlərini zəiflətmək üçün aparılan işlərin hamısından xəbərdarıq. Ərəblər
bir millət olaraq birləşib işğalçı sionistlərə qarşı mübarizə edə
bilmir. Çox təəssüf ki, içimizdə parçalanmalar var və ortaq hərəkatda
ola bilmirik. Bunun məsulları da müəyyəndir. Son 2 proses İsraili çox qorxudub; bunlardan biri Misirdə Mübarəkin devrilməsi, digəri isə ABŞ ordusunun İraqdan çəkilməsidir.Quldur
İsrail rejimi fələstinlilərin bir-biri ilə barışacağını gördü və buna
görə də yeni ixtilaflar meydana gətirdi. Təəssüf ki bu məkrli hörmüçək
toruna düşənlər oldu. Bir müddət öncə hadisələr müsbət istiqamətdə
cərəyan edirdi. Ta ki Suriya böhranına qədər. Qeyd
etməliyəm ki, Suriyada qaçırılan Həsən Miktad Hizbullahın üzvü deyil. Bu
iddialar çox yanlışdır. Suriya böhranından sonra region ölkələri
bir-birləri ilə az qala düşmən oldu. Türkiyə hökuməti Suriya, İraq və
İran ilə münasibətləri pisləşdirmək bahasına bəzi məqsədlərə çatmaq
cəhdi göstərdi. İsrail Suriya hadisələrindən
istifadə edərək İran, Körfəz Ölkələri və Türkiyəni bir-birilə münaqişəyə
çəkməyə çalışır. Bunun ən bariz dəlili Körfəz ölkələrinin Suriyaya
silah göndərərək ümmət qarşıdurmasına göz yummasıdır. İranın regiona
münasibəti isə yalnız vəhdət prizmasında olub. İmam Xomeyninin bir sözü
var ki, "ABŞ Yaxın şərqə İsrail gözləri ilə baxr, İran isə Fələstin
gözləri ilə baxr." Bu bölgədə digər müsəlman ölkələr də Yaxın şərqə Fələstin gözü ilə baxmalıdır.
İsrail ümmətin bir-birini öldürməsindən çox xoşhaldır və keflə bizləri
izləyir. Bəzi imperialist dövlətlər isə Suriyada kütləvi qırğın
silahları var deyərək işğal ssenariləri yazır. İran
və Suriyanın Fələstin mübarizəsində göstərmiş olduqları mövqe,
Müqavimət xəttinin güclülüyü İsrail və bəzi şər qüvvələrin xoşuna
gəlməyib və işğal hərəkatına başlayıblar. Qüds günündə bütün ərəblərdən soruşuram: İranın İsraillə düşmənçiliyi sizi narahat edir? Biz
ərəblərin içimizdə həll etməli olduğumuz bəzi problemlər var:
Məzhəbçilik. Məzhəbçiliyin bizə faydası nə vaxt və harada görülüb
axı?İsrail bilir ki Müqavimətə hücum etsə, bizə Fələstinin
müstəqilliyini təmin etməmiz üçün fürsət vermiş olacaq. Allaha and olsun
biz də Fələstini müstəqil edəcəyik. İsrail terror hamımızın ortaq
düşmənidir. İsrail Məscidi-Əqsa və Qüdsə hücum etməyə davam etsə
regionda liderliyə can atan Türkiyə rəhbərliyi hansı real addımlar
atacaq, ərəb ölkələri və İslam ümməti nə edəcək? Livan
müharibəsində Körfəz ölkələrinin, TÜrkiyənin, ərəb dövlətlərinin heç
bir köməyini görmədik. Suriyadan başqa. Öz gücümüzlə 2006-cı ildə
İsraili torpaqlarımızdan silib atdıq. Müqavimətin güclü dayağı olan Suriyaya qarşı dişlərini qıcamış Körfəz ölkələri eyni cəsarəti İsrailə qarşı niyə göstərə bilmir? Fələstin mübarizəsi və Hizbullahın dayağı İran, Suriya və Livan xalqlarıdır. Suriya mövzusunda tək həll yolu dialoqdur. İsrail
ilə belə dialoqa girən Türkiyə və ərəb ölkələri Suriya kimi bir ölkəyə
bunu niyə çox görür? Bu ikiüzlülükdür. Axan qanda silah göndərən hər
ölkə məsuliyyət daşımaqdadır. Qaçırılan 11 Livanlının tapılması üçün
lazımlı məsuliyyətləri təzyiqin yüksəlməməsi üçün dövlətə buraxdıq. Bəzi
Livan kanal və qəzetləri haqqımızda yalan yazır, bu mübarək Cümə
günündə onlardan belə şeylər etməmələrini istəyirəm. Yalan ailələri
yanıldar, yalan xalqımızı yanıldar və geriyə dönülməz yaralar açar.Biz
haqq mübarizəmizdə heç bir batil yola baş vurmarıq. Haqqı yalan
üzərində qurmağa cəhd etmərik. Biz açıq və aydın şəkildə bildiririk ki,
İslami müqaviməti hər zaman davam etdirəcəyik və bu yolda heç kim bizə
mane ola bilməz. Hətta son nəfərimizə qədər şəhid olsaq belə bu yoldan
geri dönmərik. Hesablamalar, analizlər, proqnozlar nə göstərirsə
göstərsin, nəticə nə olursa olsun biz müqavimət vəzifəsini yerinə
yetirməkdə bir an belə tərəddüt etməyəcəyik." islamazeri.az
Još nema komentara.
Ostavi komentar, započni diskusiju!