Səhər TV-İslami Əməkdaşlıq Təşkilatının(İƏT) baş katibi sionistlərin
"Qüds yəhudilərin paytaxtı" layihəsi ilə mübarizənin aparılmasını vacib
adlandırıb. İƏT-in baş katibi bir bəyanat yayaraq, sionist rejimin
nazirlər kabinetinin Qüdsün yəhudilərin paytaxtı elan edilməsi üzrə bir
qanun layihəsinin qəbul edilməsi üzrə istəyini qeyri-qanuni
adlandıraraq, dünya ictimaiyyətindən İsrail rejiminin bu hərəkəti
qarşısında dayanmasını istəyib. Ehsanoğlu, "Qüds yəhudilərin
paytaxtı" layihəsinin İsrail Knessetində təsdiq edilməsi ehtimalını
Fələstin xalqının ideyaları və hüquqlarının pozulması adlandırıb və
bildirib ki, İsrail rejiminin Qüdsün hüquqi statusunu dəyişmək üzrə
hərəkətləri beynəlxalq qanunların aşkar və kobud formada pozulması
deməkdir. Bəyanatda həmçinin bildirilir ki, beynəlxalq qanunlara
əsasən Qüds Fələstinin bir hissəsidir və İsrail rejiminin bu
istiqamətdəki səyləri qeyri-qanuni və qəbuledilməzdir. İslami
Əməkdaşlı Təşkilatının baş katibinin bəyanatında həmçinin BMT-nin
Təhlükəsizlik Şurasından, dördtərəfli beynəlxalq komitədən və
YUNESKO-dan istənilib ki, İsrail rejiminin Fələstin xalqı və onun
müqəddəslərinə qarşı rasist və irqçi hərəkətlərinin qarşısını almaq üçün
ciddi tədbirlər görsünlər. Bəyanatda dünya ictimaiyyətindən də
istənilir ki, sionist rejimin zorakılıq siyasətlərini pisləməklə, bu
rejimi beynəlxalq qanunlara hörmət etməyə məcbur etsinlər. İsrail rejimi 1948-ci ildə Qüdsün qərb hissəsini, 1967-ci ildə isə onun şərq hissəsini işğal edib. İsrail
rejimi "Qüds yəhudilərin paytaxtı" layihəsini qəbul etməklə Qüdsün
yəhudiləşdirilməsi siyasətinə qanuni don geydirmək istəyir. Halbuki,
İsrail rejiminin bütün qanunları irqçilik və ayrı-seçkilik əsasındadır.
Još nema komentara.
Ostavi komentar, započni diskusiju!