Biri vardı, biri yox........
Olan olub keçən keçib bəlkə də
İndi daha kövrəlməyin yeri yox.
Ömrüm boyu belə gəlib mənimki
Evvəlindən biri vardı, biri yox...
Uzaqdaydı mən istəyən ocaqlar,
Ürəyimdən gəlib keçdi sazaqlar.
Atalıydı analıydı uşaqlar
Bizim evdə biri vardı, biri yox ...
Gözlərimə doldurmasam yağışı
Bir köynəkdə çıxarmasam mən qışı
Şalvar pencək geyinirdi tay-tuşum
Məndə isə biri vardı, biri yox....
Qəlbim yandı ilk sevgimdən, eşqimdən
Dara düşdüm əl ummadım heç kimdən.
Məclislərdə “can” deyib, “can” eşidən
Dostlarımın biri vardı, biri yox...
Üzüm güldü tələbəyəm deyəndə,
Sıxılırdım dost pencəyi geyəndə
Müəllimlə dil tapa bilməyəndə
Qiymətimin biri vardı, biri yox...
Mən orduya nələr görüb getmişdim,
Ürək alıb, ürək verib getmişdim,
İki qıza könül verib getmişdim
Qayıdanda biri vardı, biri yox...
Uzaq gəzdi əmi, dayı, bibilər,
Söz arası mənə evlən dedilər
Nişan üçün iki şey istədilər
Məndə isə biri vardı, biri yox....
Vaxt gələcək bu günü görəcəksən,
Çox suala gözünü döyəcəksən,
Vaxt gələcək sən özün deyəceksən
Deyəcəksən, biri vardı, biri yox........
super serdi
:D
twk