Era ngrinte dallgë gjigande të cilat përplaseshin furishëm në bregun e detit , duke lënë aty krijesa të vogla .

Kur stuhia pushoi gjithë bregu ishte mbushur plot yje deti .Ishin aq të shumtë sa plazhi dukej në ngjyrë të kuqe .

Të gjithë njerëzit u mblodhën duke parë këtë fenomen .Arritën aty edhe shumë ekipe televizive për të filmuar fenomenin e çuditshëm .Yjet e detit ishin pothuajse të palëvizshëm ,po ngordhin ngadalë …

Bashkë me të atin ndodhej edhe një djalë i vogël , i cili plot trishtim shikonte yjet .Të gjithë shikonin , pa bërë asgjë…

Papritur djali i shkëputet nga duart të atit , heq atlete dhe çorapet dhe ulet në gjunjë për të mbledhur yje .Mbush duart dhe vrapon drejt detit për ti lëshuar në ujë.

Një burrë i ulur afër një muri e pyet : Cfarë po bën vogëlush ?

Po hedh yjet në det , përndryshe ato do të ngordhin – i kthen përgjigje djali pa e lënë punën .

Po këtu janë me mijëra dhe është e pamundur ti hedhësh të gjithë në det .Është i gjithë bregu dhe ti në këtë mënyrë nuk mund ti ndryshosh gjërat .

Djali qeshi , mori ndër duar një yll dhe tha :Këtij ylli i shpëtova jetën .

Burri heshti një moment dhe u mendua , më pas hoqi këpucët dhe filloi edhe ai të mblidhte yjet dhe ti hidhte në ujë .

Pak çaste më vonë erdhën edhe dy vajza dhe u bënë katër që ndihmonin yjet duke i hedhur në det .Pak minuta më vonë ishin pesëdhjetë , njëqind ,dyqind , mijëra njerëz që hidhnin yjet në det .

Morali : Për të ndryshuar botën mjafton që dikush edhe pse i vogël të ketë guximin për të filluar !!

Like! 9